Хочу поделиться с Вами молитвой, которая мне недавно попала в руки. Об авторе молитвы, епископе Димитрии, можно прочитать здесь: http://drevo-info.ru...cles/14412.html
Епископ Димитрий Хайларский
Молитва
пред наступлением праздника Рождества Христова
Господи, Иисусе Христе, воплотивыйся от Пресвятыя Богородицы и Приснодевы Марии! Сподоби ны, грешныя рабы Твоя, во здравии и благополучии, паче же во благочестии и чистоте, срести грядущие дни Твоих великих праздников – Рождества и Богоявления.
Господи! Ты пришел еси на землю на спасение наше, да «всяк веруяй в Тя не погибнет, но имать живот вечный» (Ин.3, 16); укрепи убо, Господи, - молим Тя – сию веру в сердцах наших, да знаем Тя, Истиннаго Сына Божия, вземлющаго грех мира.
Тя Рождшагося святии ангели воспеша, глаголюще: «Слава в вышних Богу, и на земли мир, в человецех благоволение» (Лк.2, 14): всели, Господи, сей мир Твой в сердца наша и даруй нам истинно любити вся люди Твоею святою любовию.
Ты, Бог сый, благоволил еси родитися во убозем вертепе и во яслех возлещи, и живя на земли, не имел, «где главу подклонити» (Лк. 9, 28): настави ны, рабы Твоя, почитати убогия люди Твоя – вдовицы, сирыя, нищия, немощныя, страждущия и вразуми являти им, во имя Твое, дела милости и благотворения; нищия же и бедствующия Твоею Всесильною Благодатию подкрепи и сохрани.
Пастыри и волсви Тебе поклонишася: сподоби и нас принести Тебе поклонение и славословие в простоте сердца, со смирением и радостию духовною. Волсви принесоша Тебе дары – злато, и ливан, и смирну; помози и нам принести Тебе подобающия от нас дары: покаяние во грехах, исправление жития, сердце чистое и непорочное, благия намерения и дела, Тебе благоугодная.
Призри, Милосердный Господи, на ны грешныя и приими* наша коленопреклоненныя молитвы и пост, яко жертву, Тебе благоугодную, - прости согрешения наша; ниспосли на ны Твое Небесное Благословение благостынное, и даруй нам вся ко временней и вечней жизни потребная. Аминь.
*Приличествует чести сию молитву на Святках, заминув слово «приими» - «приняв»
